امس كان ايفينت قوقل مابس واللي تكلموا فيه عن اهم المميزات القادمة لخرائط قوقل . بداية الافنت تكلموا عن تاريخ الخرائط و شلون قوقل شرت شركتهم واللي اتاحت لهم قوه مادية للتوسع حول العالم و شلون قوقل مابس اثرت عالعالم و افاده الناس ككل . بعدها بلش الشرح عن الاظافات المرتقبه و اللي اهمها الاوف لاين مابس و ال٣ دي مابس
خرائط بدون الحاجه الى انترنت| offline maps
الاوف لاين مابس من اكثر المميزات المرتقبه واللي عليها طلب من الناس . بختصار اذا كنت مسافر مكان لنفرض لندن ، قبل ماتسافر تدخل برنامج الخرائط لقوقل بالتليفون و تنزل خريطة لندن فبجذي ماتحتاج انك تشبك اذا كنت تبي تستخدم الخرائط لما توصل لندن . هالميزة كانت موجوده من قبل كتجربه في اللابس بس الحين بتنزل رسميا للاندرويد فقط في الاسابيع اليايه انشالله
خرائط ثلاثية الابعاد | 3D Maps
خرائط ثلاثية الابعاد اللي الكل قاعد يحاول ينافس فيها هالايام سواء من قوقل ولا من ابل او حتى نوكيا بعد . اللي واضح انها راح تكون مستقبل الخرائط . عاد قبل شهر و نص كنت متواجد بكوريا و لاحضت انه كل تكاسيهم عندهم جي بي اس و الخرائط اللي يستخدمونها كانت ٣دي موديلينق و بصراحة كانت روعه اتمنى اشوفها عندنا . عالعموم هالخرائط راح تكون متوفره للايفون ( الاي او اس ) و الاندرويد في الاسابيع الياية انشالله
دليل سياحي | Tour Guide
ميزة جديدة راح تنظاف الى قوقل ايرث تعطيك مثل نظره بسيطة من السما حول المكان اللي تبيه
Source
Engadget live blog
YouTube Full Video
