Apple | Q8nation - Page 6

شاحن وايرلس للماجك ماوس

اذا كنت مثلي تستخدم الماجك ماوس و تعاني من كثرة تبديل البطاريه فانصحك تجرب هالشاحن و اللي عباره عن شاحن وايرلس للماوس . كنت استخدم بطاريات شحن قبل ما اشتري هالجهاز بس كنت اتاذى من كثرت تبديل البطاريات الى ان طحتلي على هالشاحن من محل ابل ستور في امستردام . طريقته انك ترك ب بطاريات شحن بالماوس ( اللي بالصوره ) و متى ما احتجت شحن تحط الماوس فوق قطعه الشحن اللي تتوصل بيو اس بي .سعر القطة حول ال٢٠ دينار بس ممكن تحصلها ب٤٠ دولار من موقعهم

موقع الشركة

Posted on by Ebrahim

Comments Off

برنامج للكونتاكت لست للماك | Cobook

برنامج مميز للكونتاكت لست في الماك بحيث انه يشبكلك كل الكونتاكت اللي عندك ببرنامج الادريس بوك في الماك و تقدر تضيف معاهم لستت الفولويرز اللي عندك بتويتر و الفيسبوك . البرنامج راح يكون متواجد بالمنيو بار لسهوله الوصول له بعدين . بالنسبه لي انا شابك لستت الفولويرز و الكونتاكت اللي عندي بالتلفون بس قريت رفيو عنه انه في مشاكل مع الفيسبوك فما انصح تشبكونه فيه . البرنامج موجود في الاب ستور ببلاش الوقت الحالي

قفل الاتش تي سي للايفون | HTCLock

تويك مميز لتغيير قفل الايفون الشهير الى قفل الاتش تي سي ( الاندرويدي )  . بعد التجربة اقدر اقول انه فيه شوي مشاكل مثل اذا وصلتلك مسج المساحة اللي تنحط فيها المسج صارت صغيره بس ككل اشوفه يسوى خصوصا اني مليت من اللوك الثابت للايفون . على  فكره هاللوك ببلاش

YouTube

Posted on by Ebrahim

Comments Off

ج٢ : برامج الجيلبريك لايفوني

تكمله لموضوع شرح كامل للجيلبريك  و ج١ : برامج الجيلبريك لايفوني

Zephyr

 

من اكثر البرامج اللي استخدمها . وضيفتها انها تخليك تتنقل بين البرامج بسهوله و بدون استخدام زر الهوم سكرين . باستخدام اطراف الشاشه ممكن تتنقل بين البرامج فمثلا لو تسحب الشاشه من اليمين ( عالطرف ) لي اليسار راح تروح الى البرنامج اللي كنت تستخدمه قبل هالبرنامج ، اما اذا كنت تبي ترد للبرنامج مره ثانية تسحب الشاشه من اليسار الى اليمين . لو نفرض انك تبي تطلع من البرنامج تسحب الشاشه من تحت الى فوق و بهالطريقه تروح للهوم بيج . البرنامج يتيح لك عدد الاصابع اللي تستخدمها لو ما تبي بصبع واحد ( ساعات يضايق ) تستخدم صبعين او اكثر . هالحركه مشابه للايباد . تنفع حق اللي دقمته معلقة

Source

Dashboard X

تكلمت عن هالبرنامج من قبل و لي حد الحين استخدمه . فكرته انك تقدر تضيف ودجتس للهوم سكرين  بالاظافه الى الداشبورد المشابه للداشبورد في الماك . عن نفسي انا استخدم الودجت للطقس بس و حاطها كشكل ولو انها تنفع حق اشخاص كثيرين اعرفهم

Appfront

باستخدام هالبرنامج تقدر تدق تليفون من فايبر او سكايب من الكونتاتك لست اللي عندك . بالاظافه الى انك تقدر تدز مسجات واتساب من نفس المكان

CallBar

البرنامج هذا يتيحلك انك تستخدم التلفون بدون ازعاج من قبل اللي يدقون عليك . فلو نفرض انك قاعد تلعب و فجآة احد دق عليك تقدر تسكب فيه و تكمل تلعب بسهوله و بدون ازعاج ههه

Notificator

هالبرنامج يعطيك تنبيهات بحاللات كثيره مو موجود بالتليفون . من هالتنبيهات تنزيل برامج ، بطاريتك ضعيفه ، شبكة وايفاي ، سكرين شوت و العديد من هالتنبيهات

 

لمتابعة المدونات | Blogshelf II

برنامج جديد لمتابعة المدونات . طريقته مشابهة لبرنامج الاي بوك ، كل اللي عليك انك تبحث عن البلوق اللي يعجبك و تسوي سبسكرايب عشان ينضاف لمكتبتك الخاصه . الحلو فيه انه يساعدك في البحث و يصنف لك جميع البلوقات حسب القسم اللي تتبعه ، فمثلا اذا كنت تحب مواقع التكنولوجي تدخل قسم التكنولوجي و يعطيك افضل مواقع التكنولوجي الموجودة و اذا عجبك شي تضيفه بمكتبتك . البرنامج حاليا متوفر للايباد فقط ببلاش ، يسوى تجربة

Posted on by Ebrahim

Comments Off

مراية على شكل ماك بوك اير

مراية صغيره على شكل لابتوب ماك بوك اير بدولارين . اللي يضحك انه حتى كرتونها يشابه كرتون الاير ، يعيشونك جو صح . عجيبه هادينهم ابل و مارفعوا قضيه عليهم هههه

المصدر

Posted on by Ebrahim

Comments Off

تبي تطالع فيديو بكمبيوترك عن طريق الايفون او الايباد

 

برنامج مميز تقدر تشوف فيه افلام وايرلس مخزنه بكمبيوترك في الايفون او الايباد . طريقته بالبداية مزعجة بس بعدها تصير اسهل  . الحلو فيه www.atoledo.com انه يشغل جميع صيغ الافلام و سريع بالاظافه الى انك تقدر تشبكه مع تلفزيونك عن طريق الابل تي في . البرنامج متوفر منه نسختين بفلوس (  ٢.٩٩ دولار ) و بلاش

Posted on by Ebrahim

Comments Off