25
October
مقارنة بسيطه للمواصفات بين افضل اجهزة التابليت لحجم ال٧ انش . المواصفات متقاربة نوعا ما اما بالنسبه للاسعار فالايباد ميني شوي اغلا . بالنسبه لي اشوف افضل اثنين الايباد ميني و النكسس بس الايباد يتفوق باهم ميزة لاجهزة التابلت الا و هي كمية البرامج . حاليا افكر ابيع الايباد ٣ عشان خاطر الميني بس ابي اجربه اول
9
October
كثير منكم في الوقت الحالي يعرف انا ابل حذفت برنامج الخرائط من قوقل و بدلته بخرائط جديدة فاشلة خصوصا للمناطق العربية . خرائط ابل ناقصة الكثير من المعلومات بالاظافة الى انه اهم ميزة بالخرائط ماتشتغل بالكويت الا وهي النافيقيشن . بعد التجربة الفاشلة للبرنامج بدات ابحث عن بديل يمشي الحال على ما قوقل تنزل برنامجها الرسمي الى ان وجدت برنامج مابس بلس . البرنامج هذا باختصار قارء بسيط لخرائط قوقل ، عن طريقة تقدر تستخدم خرائط قوقل للايفون و كانك باصدار الاي او اس ٥ . للاسف البرنامج ينقصة الكثير من مميزات خرائط قوقل سواء من ميزة ستريت فيو و مايبين لك اماكن الازدحام ولكن اهم ميزة بالبرنامج موجودة الا و هي النافيقيشن . البرنامج مجاني ولكن كتجربة فقط بعدها لازم تشتريه اذا بتستخدمة مرة ثانية
25
August
مايكروسوفت قامت مؤخرا بتغيير شعارها الى ٤ مربعات بالوانهم المعتادة بطريقة بسيطة جدا لدرجة انه الناس قامت تقزرها عليها فعلى سبيل المثال قام احد المصممين بتصميم شعارات الشركات المعروفة بطريقة مشابهه لشعارهم الجديد كنوع من انواع الغشمرة . شرايكم بالتصاميم تسوى
24
August
قررت شركت قوقل اظافة اعلانات في اليوتيوب قبل كل فيديو لمستخدمين البرنامج في اجهزة الاندرويد ( الاي او اس قريبا طبعا للاسف ، مع برنامجهم في الاي او اس ٦ ) كنوع من انواع زيادة الارباح للموقع . الاعلانات تكون من القنواة المشتركة مع يوتيوب كبارتنر فقط ( يوتيوب تدفع للمشتركين معاها كبارتنر ) و تكون كاظافة له لزيادة ارباح قناته . الوقت الحالي اي شخص يملك قناة و يكون شريك مع يوتيوب له الحرية بطريقة عرض الاعلانات على فيديواته سواء من مقطع اعلاني قبل الفيديو او شريط اعلاني مع الفيديو . عالعموم كمية الاشخاص المشتركين مع يوتيوب قليلين و اكثرهم يستخدمون اعلانات عادية غير مؤذية ، ننطر و نشوف ردت فعل المستخدمين
1
August
المقارنة نوعا مافيها ضلم للكندل لسبب انه اقدم منالنكسيس بسنة كامة ولو انه الكندل فاير بتجربتي له كان فاشل و مايسوى
30
July
ارقام خيالية تم تجميعها في هذا الملخص الممتع
: ملخص الارقام
اكثر من مليونين عملية بحث في قوقل في ٦٠ ثانية
٦٣٩ الف جيجابايت من البيانات في ٦٠ ثانية
٢.٤ مليون ايميل في ٦٠ ثانية
تحميل ٤٧ الف برنامج في ٦٠ ثانية
٨٣ الف عملية بيع في ٦٠ ثانية
٣٠ ضحية لسرقة الهوية في ٦٠ ثنية
دخول اكثر من ٢٧ الف مشترك في فيسبوك في ٦٠ ثانية و اكثر من ٢ مليون مشاهدة
٣٢٠ مشترك في تويتر في ٦٠ ثانية و ١٠٠ الف تغريدة في ٦٠ ثانية
١.٣ مليون مشاهد في يوتيوب في ٦٠ ثانية و اكثر من ٦١ الف ساعة استماع موسيقى في ٦٠ ثانية
عدد اجهزة الكمبيوتر ( الهواتف الذكية معاهم اتوقع ) يعادل عدد سكان العالم
من المتوقع ان عدد اجهزة الكمبيوتر ( الهواتف الذكية معاهم اتوقع ) سيضل الى ضعف سكان العالم سنة ٢٠١٥
7
June
امس كان ايفينت قوقل مابس واللي تكلموا فيه عن اهم المميزات القادمة لخرائط قوقل . بداية الافنت تكلموا عن تاريخ الخرائط و شلون قوقل شرت شركتهم واللي اتاحت لهم قوه مادية للتوسع حول العالم و شلون قوقل مابس اثرت عالعالم و افاده الناس ككل . بعدها بلش الشرح عن الاظافات المرتقبه و اللي اهمها الاوف لاين مابس و ال٣ دي مابس
الاوف لاين مابس من اكثر المميزات المرتقبه واللي عليها طلب من الناس . بختصار اذا كنت مسافر مكان لنفرض لندن ، قبل ماتسافر تدخل برنامج الخرائط لقوقل بالتليفون و تنزل خريطة لندن فبجذي ماتحتاج انك تشبك اذا كنت تبي تستخدم الخرائط لما توصل لندن . هالميزة كانت موجوده من قبل كتجربه في اللابس بس الحين بتنزل رسميا للاندرويد فقط في الاسابيع اليايه انشالله
خرائط ثلاثية الابعاد اللي الكل قاعد يحاول ينافس فيها هالايام سواء من قوقل ولا من ابل او حتى نوكيا بعد . اللي واضح انها راح تكون مستقبل الخرائط . عاد قبل شهر و نص كنت متواجد بكوريا و لاحضت انه كل تكاسيهم عندهم جي بي اس و الخرائط اللي يستخدمونها كانت ٣دي موديلينق و بصراحة كانت روعه اتمنى اشوفها عندنا . عالعموم هالخرائط راح تكون متوفره للايفون ( الاي او اس ) و الاندرويد في الاسابيع الياية انشالله
ميزة جديدة راح تنظاف الى قوقل ايرث تعطيك مثل نظره بسيطة من السما حول المكان اللي تبيه
6
June
اليوم في ايفينت حق قوقل و اللي بيتكلمون فيه عن قوقل مابس و التطورات اللي وصلوا لها بالاظافه الى عرض ديمو عن احدث تيكنوليجي و لمحه بسيطه على المميزات القادمه في القوقل مابس . اغلب الاشاعات تقول انه قوقل تبي تفرض سيطرتها اكثر قبل ما ابل تنزل نظام الخرائط تبعا و اللي متوقع يكون الاسبوع الياي ١١-٦ . الايفينت يبلش الساعه ٩:٣٠ الصبح بتوقيتهم يعني ٧:٣٠ بليل بتوقيت الكويت
Mac Apps
iPad Apps
iPhone Apps
Android Apps
