مقدمة

تكمله لموضوع شرح كامل للجيلبريك ، بس هالمرة بحط البرامج و التويكس اللي استخدمهم بالايفون . و بما انه الموضوع راح يكون طويل فبجزءه الى اكثر من جزء  . هالجزء راح يكون عن البرامج العادية فقط

Numberbook

برنامج نمبر بوك انتشر في الاونه الاخيرة و الكثير من الناس كانت تحذر منه . فكرته انه ياخذ ارقام التليفونات اللي عند المستخدم  مع اساميها و يخزنها بالنت بحيث اذا اي شخص بحث عن صاحب رقم معين يقدر يحصل منو اهو هالشخص ، يعني مثل بداله تليفونات و البحث فيها يكون من الرقم او الاسم . ترددت وايد قبل ما انزل هالبرنامج نظرا للخصوصية اللي فيه الي ان احتجت اعرف رقم شخص كان داق علي فقلت البرنامج موراد علي و استخدامي له راح يكون بسيط

source

Springtomize 2 – iOS 5+

برنامج سبرينقتومايز يمكنك من تعديل ثيم الايفون و طريقه الايكونز ، و يحتوي علي الكثير من الخيارات منها تعديل سرعه الانيميشين في الجهاز و تصغير شكل البرامج مثل ما انا مسوي بالصورة و الكثير من التعديلات القوية للايفون . الحلو بالبرنامج انه يشتغل بسلاسه مو مثل الثيمات الثانيه اللي تبطء الجهاز . استخدامي له مقتصر على تصغير الايكونز للبرامج ٢٠٪  بالظافه الى زيادة عامود واحد مثل اللي بالصورة

source

iFile

الاي فايل يتيح لك الدخول الى ملفات الايفون سواء لتعديل او اظافه شغلات له . هالبرنامج يساعدك بعض الاحيان اذا كنت تعرف له ، بس ما انصح تستخدمه اذا ماكنت خبره فيه لانه ماراح ينفعك

Source

IntelliScreenX

من اقوى البرامج للجيلبريك و احد الاسباب الرئيسيه اللي خلتني اسوي جيلبريك . يتيح لك اظافه تويتر و ار اس اس فيد و البريد و فيسبوك في النوتيفيكيشن سنتر . بالاظافة الى ودجت لاختصارات السيتينقز مثل البوتوث و الواي فاي . من خلاله تقدر تستخدم النوتيفيكيشن سنتر اثناء تواجدك في اللوك سكرين

source

ProTube

هالبرنامج من افضل البرامج للتصفح في اليوتيوب ، يتيح لك الفرصه لتنزيل الفيديوات للتليفون عشان تشوفهم في اي وقت و يخيرك بين وضوح الفيديو و حتى تقدر تنزل فيديو صوت فقط

Source