Amthal – برنامج امثال كويتية
5
May
برنامج امثال كويتية متخصص بعرض الامثال الشعبية الكويتية القديمه و بالاظافة الى عرض شرح مبسط للمثل كنوع من انواع التثقيف و نشر ماضي الكويت الجميل . البرنامج حاليا متوفر عالاب ستور للايفون مجانا
Category Archives: Review
مسطرة الكترونية بالكمبيوتر لقياس الاحجام
13
August
بالصدفة حصلت موقع يساعدك بقياس الاحجام بالنت عن طريق توفير مسطرة الكترونية بقياسات واقعية . كل اللي عليك تحط مقاس شاشة جهازك لتضبيط القياس الواقعي للمسطرة . بعد التجربة اقدر اقول انها مضبوطة بشكل مميز خصوصا اذا ماكان عندك مسطرة قريبة منك
Wiyakom – The Tech Collector
8
August
موقع وياكم يجمع الأخبار المختصة بالتكنولوجيا و بالأخص الشركات الكبرى الثلاث ( ابل و قوقل و ويندوز ) . من اهم المصادر الموجودة في الموقع هي انقادجت و ماك رومر و الكثير من المواقع الاخرى . الموقع طبعا يعتبر نسخة مشابهة لموقع وياهم
موقع دق بالتصميم الجديد | Digg new Design
7
August
دق يعتبر من اشهر المواقع العالمية للاخبار، فكرتة مشابهه لموقع ريديت و نزل قبل ريديت بكم سنة . ولكن مع الوقت ريديت صك عليه و انتر اكثر منه الى ان سيطر على الوضع فقرر صاحب الموقع انه يبيعه بنص مليون دولار ( كان يسوى ٢٥ مليون سابقا ) . صاحب الموق قرر انه يعمل ديزاين يديد كامل من الصفر . تم طرح الموقع قبل ٥ ايام مبدئيا تحت اسم النسخة الاولى . بالنسبة لي وايد عاجبني الديزاين الجديد و وايد احلى من ريديت بس اتوقع ماراح يصع عليه او حتى ينافسه
مشعل الشايع.. أسوأ و«أملق» مذيع في الخليج
21
May
مقالة في جريدة الوطن من اعداد حمود العنزي عن اسوء و املق المذيعين . شرايكم بالتصنيف هل تتفقون معاه ؟
|
بعد فرز نتائج الاستفتاء عن موضوع أسوأ و«أملق» مذيع في الكويت والخليج، بعد أيام من طرح فنون «الوطن» الذي نشر في صفحة «فنون» والموقع الالكتروني. |
هاردسك واي فاي للايباد | GoFlex Satellite
9
May
من فتره بسيطة كنت محتاج هاردسك متنقل ينفع حق السفر خصوصا انه مساحة لابتوبي الماك بوك اير ماتنفع للتخزين . اسعار الهاردسكات اللي شفتهم كانت تتراوح بين ال٢٠ الى ٣٠ دك الى ان طحتلي على هاردسك قو فليكس ساتالايت من شركة سيقيت . من اهم مميزاته انه يحتوي على واي فاي خاص فيه تقدر تشبكة مع الايباد او الايفون او حتى اي كمبيوتر فيه واي فاي . ولو انه سعرة دبل حول ٦٠ دك بس كنت شاري شاري . فكرة الجهاز انك تنزل برنامج من الاب ستور و تشبك مع شبكة الهاردسك بالواي فاي عشان تتصفح الفايلات بالهارديسك ، صحيح انه اجهزة الابل ماتشغل اغلب صيغ الفيديو بس تقدر تستخدم متصفح برنامج الاو بليير عشان يحلك هالمشكلة . فكرة الجهاز عجيبة و تنفع حق اللي مساحة جهازة صغيرة سواء في اللابتوب او الايباد ، فاذا شفت نفسك محتاج مساحة زايدة انصحك فيه . تجربتي مع الجهاز جيدة ولو انه في بعض العيوب بس ككل نفعني بالسفر
مميزات الجهاز
ممكن يشبك عليه ٣ اشخاص بنفس اللحظة
بطارية ٥ ساعات
سعة التخزين ٥٠٠ قيقا
سلبيات الجهاز
اذا شبكت بالجهاز ما تقدر تتصفح النت لانه ياخذ منك شبكه الواي فاي و الثري جي ماراح يشتغل
حجمة نوعا ما كبير مقارنتا بالهارديسكات الثانية ١٢٠*٨٨*٢٢
الواير اللي يتوصل بالجهاز مو ميني يو اس بي ، ماتقدر تحصله مكان ثاني ، شوف الصورة
مصادر
لعرض احصائيات اكاونتك بتويتر TweetGraph برنامج
7
May
تويتقراف من البرامج المميزة لعرض احصائيات اكاونتك بتويتر ، فكرته مشابه لبرنامج بيرد برين الشهير . عرضه للمعلومات وايد احلا من بيرد برين و لو انه ينقصه بعض الميزات مثل تعدد الاكاونتات و لكن يستاهل التجربة . من مميزاته انه يصنف لك الاكاونتات اللي مسوي لك منشن و يبين لك عدد التويت اللي تكتبها باليوم . للاسف البرنامج متوفر للايفون فقط و سعرة ٩٩ سنت
The Avenger Review
6
May
امس سنحتلي الفرصه اني اروح فلم ذا افنجير بالسينما . هالفلم من اكثر الافلام اللي كنت انطرها تنزل و اشوا ما خيب الظن . بختصار قصة الفلم انه في قوة شريرة نازله الارض يقودها لوكي اخو ثور للسيطره على كوكب الارض . و لمواجتهم تم تجميع اقوى الاشخاص في الارض تحت اسم ذا افينجير . الفلم يعتبر تكملة لافلام مارفل ( هلك , كابتن اميريكا , ثور , بلاك ويدوه , ايرون مان ) و يجمع قالب الاكشن مع التشويق و القليل من الكوميدي .عجبتني حركه الدمج بين هالافلام و شلون قدرو يمشون السيناريوا لصالح الفلم . الزين فيه انهم معطين كل سوبر هيرو حقه و هالشي مانشوفه دايما مع الافلام اللي تجمع ابطال كثيرين بنفس الفلم . مابي احرق عليكم الباجي انصحكم تشوفونه
تقييمي للفلم : 9/10
