واي فاي | Q8nation

ميزة جديدة للتحويل بين الواي فاي و الثري جي للاي او اس ٦

ميزة جديدة بالاي او اس ٦ تمنح الجهاز امكانية التحويل بين شبكة الواي فاي مع الثري جي . بعض الاحيان يفصل النت عن الراوتر ولكن الواي فاي ظال شغال فالجهاز سابقا ماكان يعرف هالشي فيظل موصل مع جهاز الراوتر بالرغم من عدم توفر النت فيه و لكن مع الميزة الجديدة الجهاز راح يحول عالثري جي وقت مايفصل النت عشان يبقى الجهاز موصل دايما بالنت . عجيبة الحركة ، كنت وايد اعاني من هالمشكلة سابقا

YouTube

هاردسك واي فاي للايباد | GoFlex Satellite

من فتره بسيطة كنت محتاج هاردسك متنقل ينفع حق السفر خصوصا انه مساحة لابتوبي الماك بوك اير ماتنفع للتخزين . اسعار الهاردسكات اللي شفتهم كانت تتراوح بين ال٢٠ الى ٣٠ دك الى ان طحتلي على هاردسك قو فليكس ساتالايت من شركة سيقيت . من اهم مميزاته انه يحتوي على واي فاي خاص فيه تقدر تشبكة مع الايباد او الايفون او حتى اي كمبيوتر فيه واي فاي . ولو انه سعرة دبل حول ٦٠ دك بس كنت شاري شاري . فكرة الجهاز انك تنزل برنامج من الاب ستور و تشبك مع شبكة الهاردسك بالواي فاي عشان تتصفح الفايلات بالهارديسك ، صحيح انه اجهزة الابل ماتشغل اغلب صيغ الفيديو بس تقدر تستخدم متصفح برنامج عشان يحلك هالمشكلة . فكرة الجهاز عجيبة و تنفع حق اللي مساحة جهازة صغيرة سواء في اللابتوب او الايباد ، فاذا شفت نفسك محتاج مساحة زايدة انصحك فيه .  تجربتي مع الجهاز جيدة ولو انه في بعض العيوب بس ككل نفعني بالسفر

مميزات الجهاز

ممكن يشبك عليه ٣ اشخاص بنفس اللحظة

بطارية ٥ ساعات

سعة التخزين ٥٠٠ قيقا

سلبيات الجهاز

اذا شبكت بالجهاز ما تقدر تتصفح النت لانه ياخذ منك شبكه الواي فاي و الثري جي ماراح يشتغل

حجمة نوعا ما كبير مقارنتا بالهارديسكات الثانية ١٢٠*٨٨*٢٢

الواير اللي يتوصل بالجهاز مو ميني يو اس بي ، ماتقدر تحصله مكان ثاني ، شوف الصورة

مصادر

بلنك

موقع الجهاز

HUAWEI 3g router

اعاني يوميا من ضعف الارسال عندنا بالدوام مع خطي من الوطنية , و ماكان ودي احول لشركة ثانية لاني مرتاح معاهم و ما ابي اغير رقمي , فكان الحل الوحيد اني اشتري قطعة واي فاي نتشارك فيها مع الشباب بالدوام . اختياري للخط كان من زين بما انه خط فيفا ارسالهم عندنا بالدوام مو قوي  . بالبدايه كنت ابي اخذ القطعه مع الاشتراك من زين بس للاسف خالصه من اسبوعين فقلت ماتسوا انطر اكثر خصوصا انهم مايدرون متى اييبون قطع يديده ، فشريت القطعه من حولي شارع بن خلدون ب ٤٥ دك  و  خذيت اشتراك بو ٧ دك مع داونلود ٢ قيقا بدون عقد . تجربتي مع القطعة جيده ، السرعه مناسبة ( شوي متقطعه ) و عدد الاشخاص اللي يشبكون فيها ٥ مع بطارية تدوم بين٣ -٥ . ولو انه احسن اني شريتها بروحها بدون التزام مع زين بس انصح تاخذونها مع العقد من الشركه اوفرلكم

zp8497586rq

Posted on by Ebrahim

Comments Off